Generator (18) - Governor Motor Control Module Failure

Tanker တစ္စီးေပၚက ျပႆနာေလး သြားၾကည့္ ခဲ့ပါတယ္။ Genetator ေတြ parallel ေမာင္းတဲ့အခ်ိန္ Governor Motor Control Module မၾကာခဏ ေလာင္ေနတယ္လို႔ ဆိုပါတယ္။ သေဘၤာေပၚေရာက္ေတာ့ စက္ခန္းထဲ ေခၚသြားၿပီး အိျႏၵိယ စက္ခ်ဳပ္၊ စက္ ၂ နဲ႔ ဓာတ္ႀကိဳး တို႔ ဇာတ္စုံခင္းျပၾကပါတယ္။ ၿပီးခဲ့တဲ့ ၂ ပတ္ အတြင္း ဒီ Control Module ေလာင္တာ ၃ ခါ ရွိၿပီ ဆိုပါတယ္။ ဒါေၾကာင့္ ဒီတစ္ခါ သူတို႔ဘာသာ မလဲရဲလို႔ ကၽြန္ေတာ္တို႔ကို လာ စစ္ခိုင္းတာပါ။ ထပ္ေလာင္မွာ စိုးရိမ္တယ္ ဆိုပါတယ္။ ထူးဆန္းတာက ေလာင္တာ Genset တစ္လုံးထဲက မဟုတ္ပဲ Gen #1 နဲ႔ Gen #2 ႏွစ္ခု မွာ ျဖစ္တာလို႔ ေျပာပါတယ္။ ေလာင္ထားတဲ့ Module ေလး ၂ ခုကိုလည္း ျပပါတယ္။ 

ေရးထားတာကေတာ့ APM motor controller ပါတဲ့။ အဝင္ 110V AC  အထြက္ DC motor အတြက္လို႔ ေရးထားၿပီး ဘယ္ေလာက္ voltage လို႔ မေရးထားပါဘူး။ အသုံးမ်ားတဲ့ 24V DC ျဖစ္ဖို႔ေတာ့ မ်ားပါတယ္။ Motor speed control ညႇိစရာ အဝိုင္းေလး တစ္ခုလည္း ရွိပါတယ္။ တစ္ကယ္ဆို ဒီ controller အလုပ္လုပ္ပုံက ရွင္းရွင္းေလးပါ။ AC input ကို regulated DC output တစ္ခု ထုတ္ေပးတာပါပဲ။ Governor motor က DC motor ဆိုေတာ့ Speed control အတြက္ output DC voltage ကို ညိႇေပးတာပဲေပါ့။ Voltage မ်ားရင္ speed ျမန္မယ္။ Voltage နည္းရင္ speed ေႏွးမယ္။ ဒါပါပဲ။ Controller ထဲက PCB ေလးေပၚမွာ ေလာင္ထားတဲ့ အရာေတြ႕ပါတယ္။ ဓာတ္ႀကိဳးကေျပာတယ္။ တစ္ခုကို သူျပင္ထားတယ္တဲ့။ ေလာင္ထားတဲ့ resistor တစ္ခု လဲၿပီး ခဲေဆာ္ထားတာေတြ႕ပါတယ္။ သူေျပာတာက 110V input ေပးၿပီး စမ္းတာ output 18V ေလာက္ ထြက္တယ္ေျပာပါတယ္။

  

လက္ရွိ Gen #2 က Governor control ကလည္း အလုပ္ မလုပ္ဘူး ေျပာပါတယ္။

အစဆုံး Gen #2 ကို စက္ႏႈိး။ APM controller ေလးကို အဝင္တိုင္းၾကည့္ေတာ့ 110V AC ရွိၿပီး အထြက္က 20V DC ရွိပါတယ္။ ဒါနဲ႔ no load အေနအထားမွာ speed အတင္၊ အခ် လုပ္ၾကည့္ပါတယ္။ Frequency က မေျပာင္းပါဘူး။ ေသခ်ာေအာင္ MSB မွာ speed အတင္အခ်လုပ္ၿပီး၊ ပါလာတဲ့ အေဖၚကို မီးစက္မွာ governor motor လည္သလား ေစာင့္ၾကည့္ခိုင္းပါတယ္။ Walkie Talkie နဲ႔ ဆက္သြယ္ၿပီး စမ္းၾကေတာ့ Governor motor လည္း မလည္ပါဘူး။

 ေစာေစာကေတာ့ output voltage ထြက္ေနတာပဲ။ Motor မေကာင္းလို႔လား၊ ႀကိဳးျပတ္ေနတာလား သိရေအာင္ Fwd / Rev ေျပာင္းေပးတဲ့ Magnetic Contactor (MC) အထြက္ကေန ေမာ္တာဘက္ကို ohm တိုင္းၾကည့္ေတာ့ motor resistance တစ္ခု ေတြ႕ရပါတယ္။

ဒါဆိုရင္ motor မေလာင္ဘူး ႀကိဳး မျပတ္ဘူး လို႔ ေကာက္ခ်က္ခ်လို႔ ရၿပီေပါ့။ ဒါဆိုရင္ MC contact ေတြ မေကာင္းလို႔လား။ Speed အတင္အခ် လုပ္ၿပီး MC အထြက္က Voltage တိုင္းၾကည့္ပါတယ္။ MC ဆြဲကပ္သြားေပမဲ့ အထြက္မွာ voltage မထြက္ ပါဘူး။ MC မေကာင္းတာလား။ ေသခ်ာေအာင္ MC အဝင္ Voltage ကို တိုင္းၾကည့္ပါတယ္။ MC မဆြဲခင္က 20V ပါ။ ဒါေပမဲ့ MC ဆြဲကပ္သြားတဲ့အခ်ိန္ အဝင္ဘက္မွာလည္း 0V ျဖစ္သြားပါတယ္။ ဒီေတာ့မွ သေဘာေပါက္သြားတယ္။ Controller က Load မဆြဲခင္ 20V ထုတ္ေပးႏိုင္တယ္။ Load (motor) ဆြဲလိုက္ေတာ့မွ voltage ကိူ regulate လုပ္မေပးႏိုင္ေတာ့ပဲ က်သြားေတာ့ governor motor မလည္ႏိုင္ေတာ့တာပါ။ ဒါဆို ဒီ controller လည္းႂကြသြားၿပီေပါ့။

အပိုရွိလားေမးၾကည့္ေတာ့ ဓာတ္ႀကိဳး ျပင္ထားတယ္ဆိုတဲ့ တစ္ပတ္ရစ္ပဲ ရွိတယ္။ အသစ္က ေန႔ခင္းေလာက္မွ ပို႔ေပးလာမယ္ဆိုပါတယ္။ ဒီေတာ့ ရွိတဲ့ တစ္ပတ္ရစ္နဲ႔ စမ္းလဲၾကည့္တာေပါ့။

ႀကိဳးေတြမွတ္ၿပီး Controller ေလး လဲလိုက္ပါတယ္။ မစမ္းခင္ အထြက္ဘက္မွာ Short တို႔ Earth Leakage တို႔ မရွိတာ ေသခ်ာေအာင္ စစ္ပါတယ္။ ေနာက္ၿပီး ေကာင္းေနတဲ့ Gen #3 ရဲ႕ output voltage နဲ႔ ယွဥ္ၿပီး 18 V ေလာက္ ညိႇထားလိုက္ပါတယ္။ ၿပီးေတာ့ စမ္းၾကည့္တဲ့အခါ Motor ဆြဲလိုက္ရင္ 18V ေလာက္ကေန 10V ေလာက္အထိ က်သြားပါတယ္။ Motor ကလည္း မလည္ပါဘူး။ ဒါဆိုရင္ ဓာတ္ႀကိဳး ျပင္ထားတာ မေကာင္းေသးဘူးလို႔ ဆိုႏိုင္ပါတယ္။ Voltage regulator အပိုင္းထိထားတယ္ ထင္ပါတယ္။ အသစ္ေရာက္လာမယ့္ controller ကိုပဲ ေစာင့္ဖို႔ ဆုံးျဖတ္လိုက္ပါတယ္။

ဒီအခ်ိန္အတြင္း Gen #1 ကို ေမာင္းၿပီး စမ္းၾကည့္ပါတယ္။ အဲဒီမွာ Frequency က hunting ျဖစ္ေနပါတယ္။ ဒါဆိုရင္ စက္အပိုင္းနဲ႔ ဆိုင္သြားၿပီ။ ကၽြန္ေတာ္တို႔အတြက္ ကံေကာင္းတယ္ ေျပာရမယ္။ အဲဒီအေျခအေနကိုလည္း သူတို႔က ႀကိဳသိထားတဲ့အတြက္ Woodward Governor company က Specialist ႏွစ္ေယာက္ကို Super က ေခၚထားၿပီး ျဖစ္ပါတယ္။ ဒါနဲ႔ သူတို႔ကို Governor စစ္ဖို႔ေျပာလိုက္ပါတယ္။ သူတို႔ ျပင္ဆင္ ခ်ိန္ညႇိၿပီး စက္က ၿငိမ္သြားၿပီဆိုေတာ့မွ Parallel စမ္းေမာင္းၾကည့္ပါတယ္။ Load sharing အတင္အခ် အားလုံး အဆင္ေျပပါတယ္။

ပစၥည္း ေရာက္လာတဲ့အထိ ေစာင့္ၿပီး ေရာက္လာတာနဲ႔ လဲတပ္လိုက္ပါတယ္။ စက္ေမာင္းၿပီး Voltage output ကိုလည္း 18V ေလာက္မွာ ထားလိုက္ပါတယ္။ Governor motor ကို အတင္ အခ်လွည့္ၾကည့္ေတာ့ လည္ပါတယ္။ အဲလို စမ္းၾကတဲ့ အခ်ိန္မွာ Woodward က ပုဂၢိဳလ္ေတြက ခဏ ျပန္ရပ္ခိုင္းပါတယ္။ Gen #2 ရဲ႕ governor motor လည္တာ မေခ်ာေမြ႕ဘူးဆိုပါတယ္။ အသံလည္း ထြက္ေနတယ္တဲ့။ သူတို႔ယူဆတာက bearing မေကာင္းေတာ့ဘူး။ Motor အသစ္လဲရမယ္ ေျပာပါတယ္။ အဆင္ေျပခ်င္ေတာ့ သူတို႔မွာထားတဲ့ motor အသစ္ကလည္း ေရာက္ေနပါၿပီ။ ဒါနဲ႔ governor motor အသစ္လဲၿပီး ျပန္စမ္းၾကပါတယ္။ ဒီတစ္ခါ ေမာင္းေတာ့ ေတာ္ေတာ္ေလး အဆင္ေျပပါတယ္။

ဒါနဲ႔ Governor response တူေအာင္ ညႇိေပးပါတယ္။ ဘယ္လို ညႇိတာလဲဆိုေတာ့ တစ္ျခားမဟုတ္ပါဘူး။ No load အေျခအေနမွာ Frequency 1Hz ေျပာင္းဖို႔ governor motor ကို ဆက္တိုက္ ဆြဲတင္ၿပီး အခ်ိန္မွတ္ထားပါတယ္။ ဆိုပါေတာ့။ ၈ စကၠန္႔ ၾကာတယ္ဆိုရင္ တစ္ျခား Genset ေတြလည္း တူေအာင္ governor motor speed ကို လိုက္ညႇိေပးတာပါပဲ။

အဲလို ညႇိေပးၿပီး အားလုံး ညီၿပီဆိုေတာ့မွ parallel operation တို႔ load sharing တို႔ကို စမ္းၾကည့္ပါတယ္။ အားလုံး အဆင္ေျပပါတယ္။ Report ေရးေနတဲ့ အခ်ိန္မွာ စက္ခ်ဳပ္က အရင္ controller ေတြ ဘာလို႔ ခဏခဏ ေလာင္တာလဲဆိုတာ ထည့္ေရးေပးပါလို႔ ေတာင္းဆိုလာပါတယ္။ ကၽြန္ေတာ္လည္း အတိအက်ေတာ့ မေျပာႏိုင္ဘူး။ ျဖစ္ႏိုင္ေခ် အခ်က္ေတြကို ေရးေပးမယ္လို႔ ေျပာလိုက္ပါတယ္။

ျဖစ္ႏိုင္ေခ်ေတြ ျပန္စဥ္းစားေတာ့ Gen #2 က motor bearing သိပ္မေကာင္းေတာ့ load ပိုဆြဲၿပီး controller ေလာင္ႏိုင္ပါတယ္။ ေနာက္တစ္ခုက Gen #1 က freq hunting ျဖစ္ေနတဲ့အတြက္ PMS က load ညီေအာင္ အၿမဲ လိုက္ၿပီး အတင္အခ် လုပ္ေပးေနရပါမယ္။ ဒီေတာ့ Gen #1 ရဲ႕ controller လည္း အလုပ္လုပ္ခ်ိန္မ်ားၿပီး ပူလာလို႔ ေလာင္တာ ျဖစ္ႏိုင္ပါတယ္လို႔ ေရးေပးခဲ့ပါတယ္။

[Unicode]

Tanker တစ်စီးပေါ်က ပြဿနာလေး သွားကြည့် ခဲ့ပါတယ်။ Genetator တွေ parallel မောင်းတဲ့အချိန် Governor Motor Control Module မကြာခဏ လောင်နေတယ်လို့ ဆိုပါတယ်။ သင်္ဘောပေါ်ရောက်တော့ စက်ခန်းထဲ ခေါ်သွားပြီး အိန္ဒြိယ စက်ချုပ်၊ စက် ၂ နဲ့ ဓာတ်ကြိုး တို့ ဇာတ်စုံခင်းပြကြပါတယ်။ ပြီးခဲ့တဲ့ ၂ ပတ် အတွင်း ဒီ Control Module လောင်တာ ၃ ခါ ရှိပြီ ဆိုပါတယ်။ ဒါကြောင့် ဒီတစ်ခါ သူတို့ဘာသာ မလဲရဲလို့ ကျွန်တော်တို့ကို လာ စစ်ခိုင်းတာပါ။ ထပ်လောင်မှာ စိုးရိမ်တယ် ဆိုပါတယ်။ ထူးဆန်းတာက လောင်တာ Genset တစ်လုံးထဲက မဟုတ်ပဲ Gen #1 နဲ့ Gen #2 နှစ်ခု မှာ ဖြစ်တာလို့ ပြောပါတယ်။ လောင်ထားတဲ့ Module လေး ၂ ခုကိုလည်း ပြပါတယ်။ 

ရေးထားတာကတော့ APM motor controller ပါတဲ့။ အဝင် 110V AC  အထွက် DC motor အတွက်လို့ ရေးထားပြီး ဘယ်လောက် voltage လို့ မရေးထားပါဘူး။ အသုံးများတဲ့ 24V DC ဖြစ်ဖို့တော့ များပါတယ်။ Motor speed control ညှိစရာ အဝိုင်းလေး တစ်ခုလည်း ရှိပါတယ်။ တစ်ကယ်ဆို ဒီ controller အလုပ်လုပ်ပုံက ရှင်းရှင်းလေးပါ။ AC input ကို regulated DC output တစ်ခု ထုတ်ပေးတာပါပဲ။ Governor motor က DC motor ဆိုတော့ Speed control အတွက် output DC voltage ကို ညှိပေးတာပဲပေါ့။ Voltage များရင် speed မြန်မယ်။ Voltage နည်းရင် speed နှေးမယ်။ ဒါပါပဲ။ Controller ထဲက PCB လေးပေါ်မှာ လောင်ထားတဲ့ အရာတွေ့ပါတယ်။ ဓာတ်ကြိုးကပြောတယ်။ တစ်ခုကို သူပြင်ထားတယ်တဲ့။ လောင်ထားတဲ့ resistor တစ်ခု လဲပြီး ခဲဆော်ထားတာတွေ့ပါတယ်။ သူပြောတာက 110V input ပေးပြီး စမ်းတာ output 18V လောက် ထွက်တယ်ပြောပါတယ်။

လက်ရှိ Gen #2 က Governor control ကလည်း အလုပ် မလုပ်ဘူး ပြောပါတယ်။

အစဆုံး Gen #2 ကို စက်နှိုး။ APM controller လေးကို အဝင်တိုင်းကြည့်တော့ 110V AC ရှိပြီး အထွက်က 20V DC ရှိပါတယ်။ ဒါနဲ့ no load အနေအထားမှာ speed အတင်၊ အချ လုပ်ကြည့်ပါတယ်။ Frequency က မပြောင်းပါဘူး။ သေချာအောင် MSB မှာ speed အတင်အချလုပ်ပြီး၊ ပါလာတဲ့ အဖေါ်ကို မီးစက်မှာ governor motor လည်သလား စောင့်ကြည့်ခိုင်းပါတယ်။ Walkie Talkie နဲ့ ဆက်သွယ်ပြီး စမ်းကြတော့ Governor motor လည်း မလည်ပါဘူး။ စောစောကတော့ output voltage ထွက်နေတာပဲ။ Motor မကောင်းလို့လား၊ ကြိုးပြတ်နေတာလား သိရအောင် Fwd / Rev ပြောင်းပေးတဲ့ Magnetic Contactor (MC) အထွက်ကနေ မော်တာဘက်ကို ohm တိုင်းကြည့်တော့ motor resistance တစ်ခု တွေ့ရပါတယ်။ ဒါဆိုရင် motor မလောင်ဘူး ကြိုး မပြတ်ဘူး လို့ ကောက်ချက်ချလို့ ရပြီပေါ့။ ဒါဆိုရင် MC contact တွေ မကောင်းလို့လား။ Speed အတင်အချ လုပ်ပြီး MC အထွက်က Voltage တိုင်းကြည့်ပါတယ်။ MC ဆွဲကပ်သွားပေမဲ့ အထွက်မှာ voltage မထွက် ပါဘူး။ MC မကောင်းတာလား။ သေချာအောင် MC အဝင် Voltage ကို တိုင်းကြည့်ပါတယ်။ MC မဆွဲခင်က 20V ပါ။ ဒါပေမဲ့ MC ဆွဲကပ်သွားတဲ့အချိန် အဝင်ဘက်မှာလည်း 0V ဖြစ်သွားပါတယ်။ ဒီတော့မှ သဘောပေါက်သွားတယ်။ Controller က Load မဆွဲခင် 20V ထုတ်ပေးနိုင်တယ်။ Load (motor) ဆွဲလိုက်တော့မှ voltage ကိူ regulate လုပ်မပေးနိုင်တော့ပဲ ကျသွားတော့ governor motor မလည်နိုင်တော့တာပါ။ ဒါဆို ဒီ controller လည်းကြွသွားပြီပေါ့။

အပိုရှိလားမေးကြည့်တော့ ဓာတ်ကြိုး ပြင်ထားတယ်ဆိုတဲ့ တစ်ပတ်ရစ်ပဲ ရှိတယ်။ အသစ်က နေ့ခင်းလောက်မှ ပို့ပေးလာမယ်ဆိုပါတယ်။ ဒီတော့ ရှိတဲ့ တစ်ပတ်ရစ်နဲ့ စမ်းလဲကြည့်တာပေါ့။

ကြိုးတွေမှတ်ပြီး Controller လေး လဲလိုက်ပါတယ်။ မစမ်းခင် အထွက်ဘက်မှာ Short တို့ Earth Leakage တို့ မရှိတာ သေချာအောင် စစ်ပါတယ်။ နောက်ပြီး ကောင်းနေတဲ့ Gen #3 ရဲ့ output voltage နဲ့ ယှဉ်ပြီး 18 V လောက် ညှိထားလိုက်ပါတယ်။ ပြီးတော့ စမ်းကြည့်တဲ့အခါ Motor ဆွဲလိုက်ရင် 18V လောက်ကနေ 10V လောက်အထိ ကျသွားပါတယ်။ Motor ကလည်း မလည်ပါဘူး။ ဒါဆိုရင် ဓာတ်ကြိုး ပြင်ထားတာ မကောင်းသေးဘူးလို့ ဆိုနိုင်ပါတယ်။ Voltage regulator အပိုင်းထိထားတယ် ထင်ပါတယ်။ အသစ်ရောက်လာမယ့် controller ကိုပဲ စောင့်ဖို့ ဆုံးဖြတ်လိုက်ပါတယ်။

ဒီအချိန်အတွင်း Gen #1 ကို မောင်းပြီး စမ်းကြည့်ပါတယ်။ အဲဒီမှာ Frequency က hunting ဖြစ်နေပါတယ်။ ဒါဆိုရင် စက်အပိုင်းနဲ့ ဆိုင်သွားပြီ။ ကျွန်တော်တို့အတွက် ကံကောင်းတယ် ပြောရမယ်။ အဲဒီအခြေအနေကိုလည်း သူတို့က ကြိုသိထားတဲ့အတွက် Woodward Governor company က Specialist နှစ်ယောက်ကို Super က ခေါ်ထားပြီး ဖြစ်ပါတယ်။ ဒါနဲ့ သူတို့ကို Governor စစ်ဖို့ပြောလိုက်ပါတယ်။ သူတို့ ပြင်ဆင် ချိန်ညှိပြီး စက်က ငြိမ်သွားပြီဆိုတော့မှ Parallel စမ်းမောင်းကြည့်ပါတယ်။ Load sharing အတင်အချ အားလုံး အဆင်ပြေပါတယ်။

ပစ္စည်း ရောက်လာတဲ့အထိ စောင့်ပြီး ရောက်လာတာနဲ့ လဲတပ်လိုက်ပါတယ်။ စက်မောင်းပြီး Voltage output ကိုလည်း 18V လောက်မှာ ထားလိုက်ပါတယ်။ Governor motor ကို အတင် အချလှည့်ကြည့်တော့ လည်ပါတယ်။ အဲလို စမ်းကြတဲ့ အချိန်မှာ Woodward က ပုဂ္ဂိုလ်တွေက ခဏ ပြန်ရပ်ခိုင်းပါတယ်။ Gen #2 ရဲ့ governor motor လည်တာ မချောမွေ့ဘူးဆိုပါတယ်။ အသံလည်း ထွက်နေတယ်တဲ့။ သူတို့ယူဆတာက bearing မကောင်းတော့ဘူး။ Motor အသစ်လဲရမယ် ပြောပါတယ်။ အဆင်ပြေချင်တော့ သူတို့မှာထားတဲ့ motor အသစ်ကလည်း ရောက်နေပါပြီ။ ဒါနဲ့ governor motor အသစ်လဲပြီး ပြန်စမ်းကြပါတယ်။ ဒီတစ်ခါ မောင်းတော့ တော်တော်လေး အဆင်ပြေပါတယ်။

ဒါနဲ့ Governor response တူအောင် ညှိပေးပါတယ်။ ဘယ်လို ညှိတာလဲဆိုတော့ တစ်ခြားမဟုတ်ပါဘူး။ No load အခြေအနေမှာ Frequency 1Hz ပြောင်းဖို့ governor motor ကို ဆက်တိုက် ဆွဲတင်ပြီး အချိန်မှတ်ထားပါတယ်။ ဆိုပါတော့။ ၈ စက္ကန့် ကြာတယ်ဆိုရင် တစ်ခြား Genset တွေလည်း တူအောင် governor motor speed ကို လိုက်ညှိပေးတာပါပဲ။

အဲလို ညှိပေးပြီး အားလုံး ညီပြီဆိုတော့မှ parallel operation တို့ load sharing တို့ကို စမ်းကြည့်ပါတယ်။ အားလုံး အဆင်ပြေပါတယ်။ Report ရေးနေတဲ့ အချိန်မှာ စက်ချုပ်က အရင် controller တွေ ဘာလို့ ခဏခဏ လောင်တာလဲဆိုတာ ထည့်ရေးပေးပါလို့ တောင်းဆိုလာပါတယ်။ ကျွန်တော်လည်း အတိအကျတော့ မပြောနိုင်ဘူး။ ဖြစ်နိုင်ချေ အချက်တွေကို ရေးပေးမယ်လို့ ပြောလိုက်ပါတယ်။

ဖြစ်နိုင်ချေတွေ ပြန်စဉ်းစားတော့ Gen #2 က motor bearing သိပ်မကောင်းတော့ load ပိုဆွဲပြီး controller လောင်နိုင်ပါတယ်။ နောက်တစ်ခုက Gen #1 က freq hunting ဖြစ်နေတဲ့အတွက် PMS က load ညီအောင် အမြဲ လိုက်ပြီး အတင်အချ လုပ်ပေးနေရပါမယ်။ ဒီတော့ Gen #1 ရဲ့ controller လည်း အလုပ်လုပ်ချိန်များပြီး ပူလာလို့ လောင်တာ ဖြစ်နိုင်ပါတယ်လို့ ရေးပေးခဲ့ပါတယ်။

Circuit Drawing with variable - ( Explanation)

ေရွ႕က ပို႔စ္မွာ စဥ္းစားၾကည့္ရေအာင္ သဲလြန္စေလာက္ပဲ တင္ခဲ့ပါတယ္။ တစ္ခ်ဳိ႕ နားလည္ရ ခက္တဲ့သူေတြအတြက္ နည္းနည္းပိုၿပီး အေသးစိတ္ ရွင္းျပခ်င္ပါတယ္။

ပထမဆုံး ဇယားမွာ Column ၄ ခုကို သတိထား ၾကည့္ပါ။ 

1) Circuit Type 

2) Relay (Rn)

3) Sensor (Rn or Sn)

4) Timer Relay (Tn)

အဲဒီ ထဲက Circuit Type A (သို႔) B ေပၚမူတည္ၿပီး အေပၚက ပုံမွာ သက္ဆိုင္တဲ့ ပန္းေရာင္ variable ေတြ ေနရာမွာ အစားထိုး ဖတ္ရပါတယ္။ 

ဥပမာ - L. O press low ဆိုၾကပါစို႔။

Circuit Type B ျဖစ္တဲ့အတြက္ Circuit ရဲ႕ ေနာက္ဖ်ားက ပန္းေရာင္ ၃ ခု နဲ႔ ဆိုင္ပါတယ္။ 

အဲဒီထဲက

- (Rn) ေနရာမွာ            (R-SLS) ဆိုတဲ့ Relay နံပါတ္ထည့္

- (Rn or Sn) ေနရာမွာ  (PS-SLS) ဆိုတဲ့ pressure switch နံပါတ္ထည့္

- (Tn) ေနရာမွာ            (T-SLS) ဆိုတဲ့ Timer နံပါတ္ထည့္

အဲလို အစားထိုး ဖတ္ရမွာပါ။

အလုပ္လုပ္ပုံကေတာ့ 

Sensor Terminals C နဲ႔ D ( ဒီေနရာမွာ pressure switch PS-SLS) close ျဖစ္မယ္။ ေနာက္ၿပီး R-HST နဲ႔ R-SPE relay ႏွစ္လုံးက (NC contact ေတြ သုံးထားတဲ့အတြက္) energize မျဖစ္ခဲ့ရင္ Tn (ဒီေနရာမွာ T-SLS) စၿပီး ဆြဲပါမယ္။ ၅ စကၠန္႔ျပည့္ေတာ့ Rn (ဒီေနရာမွာ R-SLS) ဆြဲပါမယ္။ သူ႔ contact တစ္ခုနဲ႔ (latch) ထိန္းထားၿပီး ဆက္ဆြဲေနပါမယ္။ သူ႔ ေနာက္ conract တစ္ခုက Solenoid valve for E/S ကို ဆြဲပိတ္ၿပီး Engine ရပ္လိုက္မွာပါ။

R-HST (သို႔) R-SPE တစ္ခုခု နဲ႔ Reset လုပ္ရပါမယ္။

မရွင္းတာ ေမးႏိုင္ပါတယ္။

[Unicode]

ရှေ့က ပို့စ်မှာ စဉ်းစားကြည့်ရအောင် သဲလွန်စလောက်ပဲ တင်ခဲ့ပါတယ်။ တစ်ချို့ နားလည်ရ ခက်တဲ့သူတွေအတွက် နည်းနည်းပိုပြီး အသေးစိတ် ရှင်းပြချင်ပါတယ်။

ပထမဆုံး ဇယားမှာ Column ၄ ခုကို သတိထား ကြည့်ပါ။ 

1) Circuit Type 

2) Relay (Rn)

3) Sensor (Rn or Sn)

4) Timer Relay (Tn)

အဲဒီ ထဲက Circuit Type A (သို့) B ပေါ်မူတည်ပြီး အပေါ်က ပုံမှာ သက်ဆိုင်တဲ့ ပန်းရောင် variable တွေ နေရာမှာ အစားထိုး ဖတ်ရပါတယ်။ 

ဥပမာ - L. O press low ဆိုကြပါစို့။

Circuit Type B ဖြစ်တဲ့အတွက် Circuit ရဲ့ နောက်ဖျားက ပန်းရောင် ၃ ခု နဲ့ ဆိုင်ပါတယ်။ 

အဲဒီထဲက

- (Rn) နေရာမှာ            (R-SLS) ဆိုတဲ့ Relay နံပါတ်ထည့်

- (Rn or Sn) နေရာမှာ (PS-SLS) ဆိုတဲ့ pressure switch နံပါတ်ထည့်

- (Tn) နေရာမှာ            (T-SLS) ဆိုတဲ့ Timer နံပါတ်ထည့်

အဲလို အစားထိုး ဖတ်ရမှာပါ။

အလုပ်လုပ်ပုံကတော့ 

Sensor Terminals C နဲ့ D ( ဒီနေရာမှာ pressure switch PS-SLS) close ဖြစ်မယ်။ နောက်ပြီး R-HST နဲ့ R-SPE relay နှစ်လုံးက (NC contact တွေ သုံးထားတဲ့အတွက်) energize မဖြစ်ခဲ့ရင် Tn (ဒီနေရာမှာ T-SLS) စပြီး ဆွဲပါမယ်။ ၅ စက္ကန့်ပြည့်တော့ Rn (ဒီနေရာမှာ R-SLS) ဆွဲပါမယ်။ သူ့ contact တစ်ခုနဲ့ (latch) ထိန်းထားပြီး ဆက်ဆွဲနေပါမယ်။ သူ့ နောက် conract တစ်ခုက Solenoid valve for E/S ကို ဆွဲပိတ်ပြီး Engine ရပ်လိုက်မှာပါ။

R-HST (သို့) R-SPE တစ်ခုခု နဲ့ Reset လုပ်ရပါမယ်။

မရှင်းတာ မေးနိုင်ပါတယ်။

Circuit Drawing with Variable

Circuit Drawing အမ်ဳိးမ်ဳိး ေတြ႕ခဲ့ ဖူးပါတယ္။ စံအမ်ဳိးမ်ဳိး၊ စတိုင္အမ်ဳိးမ်ဳိး၊ သေကၤတ အမ်ဳိးမ်ဳိးပါပဲ။ ဒီတစ္ခါေတြ႕ရတဲ့ Drawing ေလးကေတာ့ သေဘာက်ဖို႔ ေကာင္းလို႔ ျပန္မွ်ေဝလိုက္ပါတယ္။ 

သေဘၤာတစ္စီးက Main Engine Safety Cuicuit ေလးပါ။ ဒီ circuit ဆြဲတဲ့သူက စိတ္ကူးေလး ေကာင္းပါတယ္။

Circuit မွာ ME ကို Shut down လုပ္မယ့္ အေျခအေန ၄ ခု ရွိပါတယ္။ 

အဲဒီထဲမွာ (1) Emergency Stop နွိပ္လိုက္တာ နဲ႔ (2) overspeed ျဖစ္ရင္ ခ်က္ခ်င္း shut down လုပ္မွာပါ (A Type) ။ 

(3) Lube Oil Pressure Low နဲ႔ (4) Exhaust Act. Pressure Low ဆိုရင္ေတာ့ ၅ စကၠန္႔ၾကာ timer ျပည့္မွ shut down လုပ္မွာပါ (B Type)။

ဒါကို circuit မွာ ၂ ခုပဲ ဆြဲထားပါတယ္။ အဲဒီမွာ ပါတဲ့ Relay နံပါတ္ ကို (Rn), Timer ကို (Tn), Sensing / input ကို (Sn or Rn) ဆိုတဲ့ ကိန္းရွင္ (Variable) ေတြနဲ႔ ထည့္ဆြဲထားပါတယ္။ အဲဒီ ကိန္းရွင္ေနရာမွာ အစားထိုးရမယ့္ တစ္ကယ့္ နံပါတ္အမွန္ေတြကိုေတာ့ ေအာက္က ဇယားထဲမွာ ထည့္ထားေပးပါတယ္။

အစကေတာ့ လက္ေတြ႕ control panel ထဲက label တပ္ထားတဲ့ Relay နံပါတ္ေတြကို drawing ထဲမွာ ရွာတာ မေတြ႕လို႔။ ေသခ်ာၾကည့္ေတာ့မွ drawing က ဒီလို ကိန္းရွင္သုံး ဆြဲထားတာ ေတြ႕ရတယ္။ သေဘာက်လို႔ပါ။ 

C++ ေလ့လာတုန္းက OOP ရဲ႕ သေဘာေလးေတြေတာင္ သတိရမိတယ္။ တူေနတဲ့ code ေတြကို ထပ္ခ်ည္းတစ္လဲလဲ ျပန္မေရးပဲ object / function/ subroutine ေလးေတြ ေရးၿပီး argument ေျပာင္းထည့္ သုံးရတာမ်ဳိးေပါ့။ Drawing ေလး ေသခ်ာ ဖတ္ၾကည့္လိုက္ၾကပါဦး။ နည္းနည္းေတာ့ စဥ္းစားစရာေလးေတြ ပါတာေပါ့ဗ်ာ။

[Unicode]

Circuit Drawing အမျိုးမျိုး တွေ့ခဲ့ ဖူးပါတယ်။ စံအမျိုးမျိုး၊ စတိုင်အမျိုးမျိုး၊ သင်္ကေတ အမျိုးမျိုးပါပဲ။ ဒီတစ်ခါတွေ့ရတဲ့ Drawing လေးကတော့ သဘောကျဖို့ ကောင်းလို့ ပြန်မျှဝေလိုက်ပါတယ်။ 

သင်္ဘောတစ်စီးက Main Engine Safety Cuicuit လေးပါ။ ဒီ circuit ဆွဲတဲ့သူက စိတ်ကူးလေး ကောင်းပါတယ်။

Circuit မှာ ME ကို Shut down လုပ်မယ့် အခြေအနေ ၄ ခု ရှိပါတယ်။ 

အဲဒီထဲမှာ (1) Emergency Stop နှိပ်လိုက်တာ နဲ့ (2) overspeed ဖြစ်ရင် ချက်ချင်း shut down လုပ်မှာပါ (A Type) ။ 

(3) Lube Oil Pressure Low နဲ့ (4) Exhaust Act. Pressure Low ဆိုရင်တော့ ၅ စက္ကန့်ကြာ timer ပြည့်မှ shut down လုပ်မှာပါ (B Type)။

ဒါကို circuit မှာ ၂ ခုပဲ ဆွဲထားပါတယ်။ အဲဒီမှာ ပါတဲ့ Relay နံပါတ် ကို (Rn), Timer ကို (Tn), Sensing / input ကို (Sn or Rn) ဆိုတဲ့ ကိန်းရှင် (Variable) တွေနဲ့ ထည့်ဆွဲထားပါတယ်။ အဲဒီ ကိန်းရှင်နေရာမှာ အစားထိုးရမယ့် တစ်ကယ့် နံပါတ်အမှန်တွေကိုတော့ အောက်က ဇယားထဲမှာ ထည့်ထားပေးပါတယ်။

အစကတော့ လက်တွေ့ control panel ထဲက label တပ်ထားတဲ့ Relay နံပါတ်တွေကို drawing ထဲမှာ ရှာတာ မတွေ့လို့။ သေချာကြည့်တော့မှ drawing က ဒီလို ကိန်းရှင်သုံး ဆွဲထားတာ တွေ့ရတယ်။ သဘောကျလို့ပါ။ 

C++ လေ့လာတုန်းက OOP ရဲ့ သဘောလေးတွေတောင် သတိရမိတယ်။ တူနေတဲ့ code တွေကို ထပ်ချည်းတစ်လဲလဲ ပြန်မရေးပဲ object / function/ subroutine လေးတွေ ရေးပြီး argument ပြောင်းထည့် သုံးရတာမျိုးပေါ့။ Drawing လေး သေချာ ဖတ်ကြည့်လိုက်ကြပါဦး။ နည်းနည်းတော့ စဉ်းစားစရာလေးတွေ ပါတာပေါ့ဗျာ။

Miscellaneous Equipment (3) - PA system

တစ္ခါတေလ Trouble-shooting လုပ္ရတာက Jigsaw puzzle ကစားရသလိုပဲ။ သိၿပီးသား clue ေလးေတြနဲ႔ ဟိုတစ္စ ဒီတစ္စ အခ်က္အလက္ေလးေတြသုံးၿပီး မွန္းဆ ရွာေဖြရတယ္။ သိရတဲ့ အခ်က္အလက္ကနည္းရင္ျဖစ္ျဖစ္ ကိုယ့္ရဲ႕ knowledge bank မွာ စပ္ဆက္တဲ့ အေၾကာင္း သိပ္မရွိရင္ျဖစ္ျဖစ္ နည္းနည္း ေခါင္းစားတာပါတယ္။ ေတြ႕သြားေတာ့လည္း အေျဖေျပာျပလိုက္တဲ့ ပေဟဠိလို ျဖစ္သြားတယ္။ ဒါေလးမ်ား... ေပါ့။

ကြန္တိန္နာ သေဘၤာတစ္စီးရဲ႕ PA system ျပႆနာ တက္လို႔ သြားၾကည့္ရပါတယ္။ သေဘၤာ အရာရွိပိုင္းက အျဖဴေတြျဖစ္ၿပီး က်န္တာ ဖိလစ္ပိုင္သားေတြပါ။ PA system ဆိုေတာ့ bridge ကိုတက္သြားပါတယ္။ လူျဖဴ ဓာတ္ႀကိဳးႀကီးက Wheel house console မွာရွိတဲ့ PA remote control panel က အလုပ္မလုပ္ဘူး ေျပာပါတယ္။ ၾကည့္လိုက္ေတာ့ တစ္ေပ ဝန္းက်င္ေလာက္ရွိတဲ့ panel ေလးမွာ ခလုတ္ ေလးငါးခုရယ္၊ ႀကိဳးတန္းလန္းနဲ႔ Microphone ေလးရယ္ ေတြ႕ရပါတယ္။ အဲဒီမွာ Power button ေလးေထာင့္ ခလုတ္ေလးကို ႏွိပ္ၾကည့္ေတာ့ မီးမလင္းပါဘူး။ ဒီခလုတ္အမ်ဳိးအစားက momentary switch လို႔ေခၚတဲ့ ႏွိပ္ထားတုန္း ထိေနၿပီး လႊတ္လိုက္ရင္ကြာသြားတာမ်ဳိး မဟုတ္ပါဘူး။ Latching Switch အမ်ဳိးအစားပါ။ တစ္ခ်က္ႏွိပ္လိုက္ရင္ နိမ့္ဝင္သြားၿပီး On ျဖစ္ေနပါတယ္။ ေနာက္တစ္ခ်က္ ႏွိပ္လိုက္ရင္ ျပန္ Off ျဖစ္သြားတဲ့ အမ်ဳိးအစားပါ။ အဲဒီခလုတ္ထဲမွာ မီးလုံးရွိပါတယ္။ ခလုတ္နွိပ္ၿပီး မီးလုံးမလင္းေတာ့ မီးလုံကၽြမ္းလို႔လား စဥ္းစားမိပါတယ္။ ဒါကို သတိထားမိတဲ့ ဓာတ္ႀကိဳးႀကီးက ဝင္ေျပာပါတယ္။ Power ေကာင္းရင္ ဒီမီးလုံးတင္ မဟုတ္ဘူး။ Volume level ျပတဲ့ LED bar ေလးကလည္း လင္းပါတယ္တဲ့။ ေနာက္ၿပီး Mic ကို နွိပ္ၿပီး ေျပာစမ္းၾကည့္တာလည္း ဘာသံမွ မၾကားရပါဘူး။

Wheelhouse ေပၚမွာရွိတဲ့ ေနာက္ဘက္က အခန္းေလးနစ္ခုထဲ ေခၚသြားေတာ့ PA main control rack ႀကီးကို ေတြရပါတယ္။ အဲဒီ Main rack ေပၚက Mic နဲ႔ စမ္းစကားေျပာၾကည့္ေတာ့ အကုန္ အလုပ္ လုပ္ပါတယ္။

ဒီေတာ့ System က ေကာင္းတယ္။ WH condole ေပၚက Remote control ပဲ မေကာင္းတာလို႔ ေကာက္ခ်က္ ခ်ႏိုင္ပါၿပီ။

ေနာက္တစ္ဆင့္ Remote control panel ကိုသြားတဲ့ power က ဒီ main rack ကေနေတာ့ ထြက္သြားရဲ႕လား။ Drawing ရွာၾကည့္ပါတယ္။ Drawing ကလည္း ဆင္းရဲလိုက္တာ။ Manual မွာ ျပထားတာ one line drawing ေလးနဲ႔ Main rack နဲ႔ Remote station ေတြၾကားထဲမွာ ႀကိဳး ၁၉ ေခ်ာင္း ေျပးထားတယ္ဆိုတာပဲ ျပထားတယ္။ ဘယ္ terminal က ဘာဆိုတာ မပါဘူး။ ျဖစ္ေလ့ရွိတဲ့ ေရွ႕ဆုံ ႏွစ္ေခ်ာင္ ေနာက္ဆုံး ႏွစ္ေခ်ာင္း တိုင္းၾကည့္ေတာ့လည္း power မရွိပါဘူး။

ဒီေတာ့ main rack ကို ဖြင့္လို႔ရသေလာက္ တစ္လႊာစီဖြင့္ၾကည့္ပါတယ္။ အဝင္အထြက္ fuse ေတြ တိုင္းၾကည့္ေတာ့လည္း အေကာင္း။ ဒီလိုနဲ႔ ျပဴးၿပဲၿပီး ဘာ သဲလြန္စ ရမလဲၾကည့္လိုက္တာ တစ္ဆင့္မွာေတာ့ Remote panel ဆီထြက္သြားတဲ့ terminal လို႔ ယူဆရတဲ့ terminal တစ္ခု back plate ကေန ထြက္ထားတာ ေတြ႕ရပါတယ္။ ႀကိဳး ၁၉ ေခ်ာင္းဆိုေတာ့ ျဖစ္ဖို႔ မ်ားပါတယ္။ အဲဒီ terminal ေတြက back plate PCB ေပၚကေန တိုက္႐ိုက္ထြက္ထားတာပါ။ အဲဒီ PCB ေပၚက စာလုံးေတြကို သတိထားၾကည့္လိုက္ေတာ့ terminal 14-15 မွာ အေပါင္းနဲ႔ အနႈတ္လကၡဏာေလး ေတြ႕ရပါတယ္။ ဒါဆိုရင္ေတာ့ power supply က ဒီႏွစ္စျဖစ္ပါမယ္။ တိုင္းၾကည့္ေတာ့ 24V DC ရွိပါတယ္။ ဒါဆို main rack ကေတာ့ power ထြက္သြားတာ ေသခ်ာၿပီ။ WH console က အဝင္ terminal ေတြထဲက 14-15 ကို သြားၿပီး တိုင္းၾကည့္ေတာ့ 24V ရွိပါတယ္။ ဒါဆိုရင္ေတာ့ ဒီ unit ထဲက ျဖစ္ေနတာေပါ့။

ဘာပ်က္တာလဲ။ ဘယ္ေလာက္ထိ လုပ္ၾကည့္လို႔ ရမလဲ ဆိုတာ စဥ္းစားၾကည့္ပါတယ္။ အဆိုးဆုံးက ဒီ unit တစ္ခုလုံး လဲရမွာေပါ့။ ဒါနဲ႔ အဖုံးဖြင့္ ႀကိဳးေတြကို လိုက္ၾကည့္ပါတယ္။ အလြယ္ဆုံးက စရမွာေပါ့။ Power ခလုတ္ေလ။ အဝင္မွာ တိုင္းၾကည့္ေတာ့ 24V ရွိပါတယ္။ အထြက္တိုင္းထားၿပီး ခလုတ္ႏွိပ္ၾကည့္ေတာ့ မရွိဘူး။ သံေခ်းကပ္ေနလို႔ probe မထိတာလား ထင္ၿပီး နည္းနည္း ျခစ္ၾကည့္ ထိုးၾကည့္ၿပီး တိုင္းလိုက္ေတာ့ Volt ထြက္လာတယ္။ Power မီးပါ လင္းသြားတယ္။ Testing 1,2,3 ေတြဘာေတြ ေအာ္ၾကည့္ေတာ့ အဆင္ေျပတယ္။ ဖြင့္လိုက္ ပိတ္လိုက္ ၂ ခါေလာက္ လုပ္ၾကည့္ေတာ့ မလာျပန္ဘူး။ ခလုတ္ေၾကာင္ေနတာေပါ့။ လဲဖို႔ ေမးၾကည့္ေတာ့ သေဘၤာေပၚမွာ အပိုမရွိဘူးတဲ့။ On လို႔ရတဲ့ အေနအထားမွာ ဖြင့္ေပးခဲ့ၿပီး အဲဒီခလုတ္ကို မထိဖို႔ ဖြင့္၊ ပိတ္ မလုပ္ဖို႔ မွာခဲ့ပါတယ္။

ေနာက္တစ္ပတ္ သေဘၤာဝင္မွ ပစၥည္းယူသြားၿပီး လဲေပးလိုက္ရပါတယ္။ ေျပာရရင္ေတာ့ PCB အထြက္ terminal ေပၚက + / - သေကၤတေလး သဲလြန္စရသြားလို႔ လုပ္ရတာ ပိုအဆင္ေျပသြားတာေပါ့။ 

[Unicode]

တစ်ခါတလေ Trouble-shooting လုပ်ရတာက Jigsaw puzzle ကစားရသလိုပဲ။ သိပြီးသား clue လေးတွေနဲ့ ဟိုတစ်စ ဒီတစ်စ အချက်အလက်လေးတွေသုံးပြီး မှန်းဆ ရှာဖွေရတယ်။ သိရတဲ့ အချက်အလက်ကနည်းရင်ဖြစ်ဖြစ် ကိုယ့်ရဲ့ knowledge bank မှာ စပ်ဆက်တဲ့ အကြောင်း သိပ်မရှိရင်ဖြစ်ဖြစ် နည်းနည်း ခေါင်းစားတာပါတယ်။ တွေ့သွားတော့လည်း အဖြေပြောပြလိုက်တဲ့ ပဟေဠိလို ဖြစ်သွားတယ်။ ဒါလေးများ... ပေါ့။

ကွန်တိန်နာ သင်္ဘောတစ်စီးရဲ့ PA system ပြဿနာ တက်လို့ သွားကြည့်ရပါတယ်။ သင်္ဘော အရာရှိပိုင်းက အဖြူတွေဖြစ်ပြီး ကျန်တာ ဖိလစ်ပိုင်သားတွေပါ။ PA system ဆိုတော့ bridge ကိုတက်သွားပါတယ်။ လူဖြူ ဓာတ်ကြိုးကြီးက Wheel house console မှာရှိတဲ့ PA remote control panel က အလုပ်မလုပ်ဘူး ပြောပါတယ်။ ကြည့်လိုက်တော့ တစ်ပေ ဝန်းကျင်လောက်ရှိတဲ့ panel လေးမှာ ခလုတ် လေးငါးခုရယ်၊ ကြိုးတန်းလန်းနဲ့ Microphone လေးရယ် တွေ့ရပါတယ်။ အဲဒီမှာ Power button လေးထောင့် ခလုတ်လေးကို နှိပ်ကြည့်တော့ မီးမလင်းပါဘူး။ ဒီခလုတ်အမျိုးအစားက momentary switch လို့ခေါ်တဲ့ နှိပ်ထားတုန်း ထိနေပြီး လွှတ်လိုက်ရင်ကွာသွားတာမျိုး မဟုတ်ပါဘူး။ Latching Switch အမျိုးအစားပါ။ တစ်ချက်နှိပ်လိုက်ရင် နိမ့်ဝင်သွားပြီး On ဖြစ်နေပါတယ်။ နောက်တစ်ချက် နှိပ်လိုက်ရင် ပြန် Off ဖြစ်သွားတဲ့ အမျိုးအစားပါ။ အဲဒီခလုတ်ထဲမှာ မီးလုံးရှိပါတယ်။ ခလုတ်နှိပ်ပြီး မီးလုံးမလင်းတော့ မီးလုံကျွမ်းလို့လား စဉ်းစားမိပါတယ်။ ဒါကို သတိထားမိတဲ့ ဓာတ်ကြိုးကြီးက ဝင်ပြောပါတယ်။ Power ကောင်းရင် ဒီမီးလုံးတင် မဟုတ်ဘူး။ Volume level ပြတဲ့ LED bar လေးကလည်း လင်းပါတယ်တဲ့။ နောက်ပြီး Mic ကို နှိပ်ပြီး ပြောစမ်းကြည့်တာလည်း ဘာသံမှ မကြားရပါဘူး။

Wheelhouse ပေါ်မှာရှိတဲ့ နောက်ဘက်က အခန်းလေးနစ်ခုထဲ ခေါ်သွားတော့ PA main control rack ကြီးကို တွေရပါတယ်။ အဲဒီ Main rack ပေါ်က Mic နဲ့ စမ်းစကားပြောကြည့်တော့ အကုန် အလုပ် လုပ်ပါတယ်။

ဒီတော့ System က ကောင်းတယ်။ WH condole ပေါ်က Remote control ပဲ မကောင်းတာလို့ ကောက်ချက် ချနိုင်ပါပြီ။

နောက်တစ်ဆင့် Remote control panel ကိုသွားတဲ့ power က ဒီ main rack ကနေတော့ ထွက်သွားရဲ့လား။ Drawing ရှာကြည့်ပါတယ်။ Drawing ကလည်း ဆင်းရဲလိုက်တာ။ Manual မှာ ပြထားတာ one line drawing လေးနဲ့ Main rack နဲ့ Remote station တွေကြားထဲမှာ ကြိုး ၁၉ ချောင်း ပြေးထားတယ်ဆိုတာပဲ ပြထားတယ်။ ဘယ် terminal က ဘာဆိုတာ မပါဘူး။ ဖြစ်လေ့ရှိတဲ့ ရှေ့ဆုံ နှစ်ချောင် နောက်ဆုံး နှစ်ချောင်း တိုင်းကြည့်တော့လည်း power မရှိပါဘူး။

ဒီတော့ main rack ကို ဖွင့်လို့ရသလောက် တစ်လွှာစီဖွင့်ကြည့်ပါတယ်။ အဝင်အထွက် fuse တွေ တိုင်းကြည့်တော့လည်း အကောင်း။ ဒီလိုနဲ့ ပြူးပြဲပြီး ဘာ သဲလွန်စ ရမလဲကြည့်လိုက်တာ တစ်ဆင့်မှာတော့ Remote panel ဆီထွက်သွားတဲ့ terminal လို့ ယူဆရတဲ့ terminal တစ်ခု back plate ကနေ ထွက်ထားတာ တွေ့ရပါတယ်။ ကြိုး ၁၉ ချောင်းဆိုတော့ ဖြစ်ဖို့ များပါတယ်။ အဲဒီ terminal တွေက back plate PCB ပေါ်ကနေ တိုက်ရိုက်ထွက်ထားတာပါ။ အဲဒီ PCB ပေါ်က စာလုံးတွေကို သတိထားကြည့်လိုက်တော့ terminal 14-15 မှာ အပေါင်းနဲ့ အနှုတ်လက္ခဏာလေး တွေ့ရပါတယ်။ ဒါဆိုရင်တော့ power supply က ဒီနှစ်စဖြစ်ပါမယ်။ တိုင်းကြည့်တော့ 24V DC ရှိပါတယ်။ ဒါဆို main rack ကတော့ power ထွက်သွားတာ သေချာပြီ။ WH console က အဝင် terminal တွေထဲက 14-15 ကို သွားပြီး တိုင်းကြည့်တော့ 24V ရှိပါတယ်။ ဒါဆိုရင်တော့ ဒီ unit ထဲက ဖြစ်နေတာပေါ့။

ဘာပျက်တာလဲ။ ဘယ်လောက်ထိ လုပ်ကြည့်လို့ ရမလဲ ဆိုတာ စဉ်းစားကြည့်ပါတယ်။ အဆိုးဆုံးက ဒီ unit တစ်ခုလုံး လဲရမှာပေါ့။ ဒါနဲ့ အဖုံးဖွင့် ကြိုးတွေကို လိုက်ကြည့်ပါတယ်။ အလွယ်ဆုံးက စရမှာပေါ့။ Power ခလုတ်လေ။ အဝင်မှာ တိုင်းကြည့်တော့ 24V ရှိပါတယ်။ အထွက်တိုင်းထားပြီး ခလုတ်နှိပ်ကြည့်တော့ မရှိဘူး။ သံချေးကပ်နေလို့ probe မထိတာလား ထင်ပြီး နည်းနည်း ခြစ်ကြည့် ထိုးကြည့်ပြီး တိုင်းလိုက်တော့ Volt ထွက်လာတယ်။ Power မီးပါ လင်းသွားတယ်။ Testing 1,2,3 တွေဘာတွေ အော်ကြည့်တော့ အဆင်ပြေတယ်။ ဖွင့်လိုက် ပိတ်လိုက် ၂ ခါလောက် လုပ်ကြည့်တော့ မလာပြန်ဘူး။ ခလုတ်ကြောင်နေတာပေါ့။ လဲဖို့ မေးကြည့်တော့ သင်္ဘောပေါ်မှာ အပိုမရှိဘူးတဲ့။ On လို့ရတဲ့ အနေအထားမှာ ဖွင့်ပေးခဲ့ပြီး အဲဒီခလုတ်ကို မထိဖို့ ဖွင့်၊ ပိတ် မလုပ်ဖို့ မှာခဲ့ပါတယ်။ 

နောက်တစ်ပတ် သင်္ဘောဝင်မှ ပစ္စည်းယူသွားပြီး လဲပေးလိုက်ရပါတယ်။ ပြောရရင်တော့ PCB အထွက် terminal ပေါ်က + / - သင်္ကေတလေး သဲလွန်စရသွားလို့ လုပ်ရတာ ပိုအဆင်ပြေသွားတာပေါ့။