Insulation Resistance (8) - 220V Low Insulation

သိပ္ေတာ့ ထူးထူးျခာျခား မဟုတ္ပါဘူး။ ၾကဳံတဲ့အခါ ျဖစ္တတ္တဲ့ ဟာေလးေတြ သိထားရေအာင္ ေရးလိုက္ပါတယ္။ Container သေဘၤာတစ္စီးမွာပါ။ 220V low insulation ျဖစ္တယ္လို႔ ေျပာပါတယ္။ စက္ခ်ဳပ္က ဂ်ာမန္၊ ဓာတ္ႀကိဳးက ဖိလစ္ပိုင္ကပါ။ သေဘၤာက 6.6 kV Gen Set ေတြနဲ႔။ 220V Panel ကဆိုေတာ့ LV အျခမ္းကိုပဲ ကိုင္ရမွာမို႔ ေတာ္ေသးတာေပါ့။

ဓာတ္ႀကိဳးေလးက 220V distribution panel မွာ စစ္ၾကည့္ထားၿပီး သက္ဆိုင္တဲ့ circuit ေတြ ကို ေရြးထုတ္ထားေပးၿပီးသား ဆိုေတာ့ ပိုလြယ္တာေပါ့။ ဆိုင္တဲ့ circuit ၄ ခုရွိပါတယ္။  အကုန္လုံး lighting ေတြပါပဲ။ Bridge မွာရွိတဲ့ lighting panel က ထိန္းခ်ဳပ္ထားပါတယ္။ သူက စမ္းျပပါတယ္။ အဲဒီ ၄ ခု ပိတ္ထားရင္ Insulation meter က 5 MOhm ေလာက္ ရတယ္။ အဲဒါေတြ On လိုက္ရင္ 0.15 MOhm ေလာက္ထိ က်သြားပါတယ္။တစ္ခုစီ On ရင္ေတာ့ 0.5 - 0.9 MOhm ေလာက္ ျပပါတယ္။

1) ပထမဆုံး circuit ကေတာ့ Aft Deck Illumination Light ပါ။ Bridge ကထြက္ၿပီး အျပင္ဘက္ ေအာက္တစ္ထပ္ဆင္းလိုက္ရပါတယ္။ ေနာက္ဘက္ကို လွည့္ထိုးထားတဲ့ Sodium Vapor Lamp မီးလုံးႀကီးေတြပါ။ Port မွာ ၂ လုံး၊ Stbd မွာ ၂ လုံးပါ။ အဲဒီအခ်ိန္မွာ ဓာတ္ႀကိဳးကို drawing ရွာခိုင္းထားပါတယ္။ ေစာင့္မေနခ်င္တာနဲ႔ Stbd ဘက္က မီးလုံးတစ္လုံးရဲ႕ ေအာက္ေျခ Ballast (Choke) ကို ျဖဳတ္ၾကည့္လိုက္ေတာ့ Junction box ထဲမွာ Connector ေလးနဲ႔ ႀကိဳးေတြ ဆက္ထားတာ ေတြ႕ပါတယ္။ အဝင္ႀကိဳး ၂ ေခ်ာင္းကို ျဖဳတ္လိုက္ပါတယ္။ ၿပီးေတာ့ 250V သုံးၿပီး Megger ႐ိုက္ၾကည့္ပါတယ္။ ႀကိဳးဘက္မွာ 8 MOhm ေလာက္ရတယ္ဆိုေတာ့ clear ေပါ့။ မီးလုံးဘက္ကို ႐ိုက္ၾကည့္ေတာ့လည္း clear ပဲ။ နည္းနည္း စဥ္းစားစရာ ျဖစ္သြားတယ္။ ဒီခလုတ္တစ္ခုထဲနဲ႔ မီးလုံး ၄ ခုကို ဖြင့္၊ ပိတ္ လုပ္တယ္ဆိုေတာ့ မီးလုံးေတြကို parallel Looping လုပ္သြားရမယ္ မဟုတ္လား။ ဒီေတာ့ အခုျဖဳတ္တဲ့ မီးလုံးဘက္ကေတာ့ ဒီမီးလုံးအတြက္၊ ႀကိဳးဘက္က က်န္တဲ့ မီးလုံး ၃ ခုကို ကိုယ္စားျပဳမယ္ မဟုတ္လား။ အခု ၂ ဘက္လုံးက clear ဆိုေတာ့ ဘာလဲ။

မေက်နပ္တာနဲ႔ ေဘးနားက ေနာက္ မီးလုံးကိုပါ ႀကိဳးျဖဳတ္ၿပီး တိုင္းၾကည့္ပါတယ္။ အတူတူပဲ။ မီးလုံးဘက္ေရာ ႀကိဳးဘက္ပါ clear ျဖစ္ေနပါတယ္။ ဒါနဲ႔ Bridge ထဲက switch ရွိတဲ့ Panel ကို ဖြင့္ၿပီး ႀကိဳးအသြားအလာေတြ ၾကည့္ပါတယ္။ အဲဒီမွ သေဘာေပါက္သြားတယ္။ ခလုတ္က မီးလုံးေတြကို တိုက္႐ိုက္ ဖြင့္ပိတ္မလုပ္ပါဘူး။ 4 pole Magnetic Contactor (MC) တစ္လုံးကို ေမာင္းပါတယ္။ MC အဝင္မွာ L, N ႏွစ္စုံကို Loop လုပ္ထားေပမဲ့ အထြက္ ႏွစ္စုံကေတာ့ အခ်င္းခ်င္း မထိစပ္ေတာ့ပါဘူး။ တစ္စုံက Stbd ျဖစ္ၿပီး၊ တစ္စုံက Port ျဖစ္မယ္လို႔ ယူဆပါတယ္။ ဒီေတာ့ Port နဲ႔  Stbd က isolate ျဖစ္ေနတဲ့အတြက္ ေစာေစာက Stbd မွာ အကုန္ clear ျဖစ္ေနတာပါ။ ဒါဆို Port ဘက္က ျဖစ္ႏိုင္ပါတယ္။ အခု MC အထြက္မွာ Megger တိုင္းၾကည့္လိုက္ေတာ့ ထင္တဲ့အတိုင္း တစ္စုံက clear ျဖစ္ၿပီး ေနာက္တစ္စုံက 0.4 MOhm ေလာက္ျပပါတယ္။ ဒီေတာ့မွ Port ဘက္က မီးလုံးတစ္ခုကို connector အဝင္က ျဖဳတ္တိုင္းလိုက္ပါတယ္။ ကံေကာင္းစြာနဲ႔ ႀကိဳးဘက္က clear ျဖစ္ၿပီး မီးလုံးဘက္က low Insulation ျဖစ္ေနပါတယ္။ ဒါဆို ႀကိဳးဘက္ တစ္ဆက္ထဲ ရွိေနတဲ့ ေနာက္တစ္လုံး ျဖဳတ္ၾကည့္စရာ မလိုေတာ့ဘူးေပါ့။

ဒီတစ္ခါ မီးလုံးဘက္မွာက choke နဲ႔ မီးလုံးကို series ဆက္ထားပါတယ္။ Choke ႀကိဳးတစ္စက မီးလုံးရဲ႕ holder မွာဆက္ထားပါတယ္။ စိတ္က မီးလုံးဘက္က ေရဝင္တာလား။ တစ္ခုခု ညိတာလား ထသ္မိပါတယ္။ မီးလုံး အိမ္ကို ဖြင့္စစ္ၾကည့္ေတာ့ ေကာင္းေနတယ္။ Choke ကိုပါ ႀကိဳးျဖဳတ္တိုင္းၾကည့္ေတာ့လည္း လြတ္တယ္။ ဒါဆို ဘယ္က ျဖစ္တာလဲေပါ့။ Connector ေလးက ၃ ခုတြဲရက္ပါ။ L, N နဲ႔ E တစ္ခုစီပါ။ အခု L နဲ႔ N ကို အဝင္ေရာ အထြက္ပါ ျဖဳတ္ထားတဲ့အတြက္ E တစ္ေခ်ာင္းပဲ body နဲ႔ ဆက္ထားပါတယ္။ အဲဒီ connector ရဲ႕ L ဆက္တဲ့ အေပါက္ကို ေထာက္တိုင္းၾကည့္ေတာ့ E နဲ႔ ညိေနတာေတြ႕ရတယ္။ Screw က သံေခ်းေတြနဲ႔ leakage ျဖစ္ေနပါတယ္။ သန္႔ရွင္းေရးလုပ္ၾကည့္ေတာ့လည္း သိပ္မထူးတာနဲ႔ Connector အသစ္ ရွာၿပီး လဲထည့္လိုက္ေတာ့ ေကာင္းသြားပါတယ္။ ႀကိဳးအားလုံး ျပန္ဆက္ၿပီး စမ္းေတာ့ အဆင္ေျပပါတယ္။ ဒီ Circuit တစ္ခုေတာ့ ေျပလည္သြားၿပီေပါ့။

2) ေနာက္တစ္ခုကလည္း Sodium Vapor Illumination Light ေတြပါပဲ။ Nav Deck ေရွ႕ဖက္မွာ တန္းစီထားတဲ့ မီးလုံး ၆ လုံးတြဲပါ။ ဒီ circuit မွာလည္း ခလုတ္က MC ကို ဖြင့္၊၊ ပိတ္ လုပ္ေပးပါတယ္။ MC က Port နဲ႔ Stbd Loop ႏွစ္ခုကို ခြဲထုတ္ေပးပါတယ္။ Loop တစ္ခုမွာ မီးလုံး ၃ လုံးစီ ရွိပါတယ္။ တစ္ျခမ္းစီခြဲစစ္လိုက္ၿပီး connector တစ္ခုမွာ Fault ေတြ႕လို႔ လဲေပးလိုက္ပါတယ္။ ေတြ႕ဖူးထားေတာ့ ပိုလြယ္သြားတာေပါ့။

3) ဒီတစ္ခါေတာ့  Passage အျပင္ဘက္က မီးေခ်ာင္းေတြပါ။ တစ္ point စီက ၂ ေပ မီးေခ်ာင္း ၂ ေခ်ာင္းတြဲ Set ေတြပါ။ အျပင္မွာထားေတာ့ water tight housing ေတြ သုံးထားပါတယ္။ ဒါေပမဲ့ ေတာ္ေတာ္မ်ားမ်ားက ေရစိမ့္ဝင္ေနပါၿပီ။ သူ႔အားနည္းခ်က္က Clamp ေတြသံေခ်းလိုက္ၿပီး rubber seal က မလုံေတာ့တာပါ။

ဒီတစ္ခုမွာေတာ့ ဓာတ္ႀကိဳးေလး ယူလာေပးတဲ့ drawing နဲ႔ဆိုေတာ့ လုပ္ရတာပိုလြယ္ပါတယ္။ ဒီ circuit မွာ Upper Deck ကေန E-Deck အထိ point ၃၀ ေလာက္ ပါတယ္။ ခလုတ္က MC ၃ လုံးကို ထိန္းထားတယ္။ MC ေတြက Deck တစ္ခုေက်ာ္ရဲ႕ Cable Duct အခန္းထဲမွာရွိပါတယ္။ MC တစ္လုံးစီက Port & Stbd Loop ၂ခုစီ။ Loop တစ္ခုစီက ၂ ထပ္စာရွိတဲ့ point ေတြ ထိန္းထားပါတယ္။ အေပၚတက္လိုက္ ေအာက္ဆင္းလိုက္ သိပ္ေတာ့ မေခ်ာင္လွဘူး။

ပထမဆုံး Cable Duct ေတြထဲက MC အထြက္ေတြမွာ Megger တိုင္းပါတယ္။ အဲဒီေတာ့ Loop ၂ခုက ျပႆနာေတြ႕ပါတယ္။ D-E deck (Port) နဲ႔ B-C deck (Stbd) က Loop ေတြပါ။ က်န္တဲ့ Loop ေတြ စစ္စရာမလိုေတာ့ ေတာ္ေတာ္ သက္သာသြားပါၿပီ။ အဲဒီ loop ႏွစ္ခုမွာ အလယ္ေလာက္က ျဖတ္ၿပီး တစ္ဘက္စီကို Megger တိုင္းၾကည့္ပါတယ္။ earth leakage ျဖစ္တဲ့ ဘက္ကို ေနာက္တစ္ပြိဳင့္ျဖဳတ္ၿပီး စမ္းပါတယ္။ ဒီလိုနဲ႔ တစ္ခုၿပီးတစ္ခု စမ္းၾကည့္လိုက္တာ ေနာက္ဆုံးေတာ့ ဘယ္မွာမွ low Insulation မေတြ႕ရပါဘူး။ ေနာက္ဆုံးအကုန္ျပန္တပ္ၿပီး စမ္းၾကည့္ေတာ့ အားလုံးေကာင္းေနပါတယ္။ ျဖစ္ႏိုင္ေခ်တစ္ခုက မိုးရြာတဲ့အခ်ိန္မွာ မီးေခ်ာင္းအိမ္ထဲမွာ ေရစိမ့္ဝင္ၿပီး ေရေငြ႕ (moisture) ေတြနဲ႔ earth leakage ျဖစ္ေနတာလို႔ ယူဆပါတယ္။ အခု မီးေခ်ာင္း အိမ္ေတြ ဖြင့္စစ္ေတာ့ ေရေငြ႕က ေျခာက္သြားတဲ့အတြက္ leakage ေပ်ာက္သြားတာလို႔ ထင္ပါတယ္။ အေျခအေန ဆိုးေနတဲ့ မီးေခ်ာင္း အိမ္ေတြကို လဲလိုက္ဖို႔ မွာခဲ့ပါတယ္။

4) ေနာက္ဆုံး circuit ကလည္း မီးေခ်ာင္းေတြပါပဲ။ Aft area က ကုန္းပတ္ေပၚ တစ္ေလ်ာက္ တန္းစီ ရွိေနတဲ့ ၂ ေပ ၂ ေခ်ာင္းတြဲ မီးေခ်ာင္းေတြပါ။ MC အထြက္မွာ loop တစ္ခုထဲ ရွိပါတယ္။ ဒါေပမဲ့ point ၂၀ ေက်ာ္ရွိပါတယ္။ Binary search နည္းနဲ႔ တစ္ဝက္စီ ပိုင္းပိုင္းၿပီး ရွာလိုက္ေတာ့ ေနာက္ဆုံးမွာ အေျဖေတြ႕သြားပါတယ္။ ႀကိဳးထဲကျဖစ္ေနတာပါ။ ႀကိဳးက shield ပါတယ္။ အဲဒီၾကားထဲ ေရစိမ့္ဝင္ၿပီး shield မွာ သံေခ်းေတြ ကိုက္ေနပါတယ္။ ကံေကာင္းစြာနဲ႔ ျဖစ္တဲ့ ႀကိဳးအပိုင္းက ၃ မီတာ ေလာက္ပဲရွိပါတယ္။ အဲဒီႀကိဳးကို လဲေပးလိုက္ေတာ့ အဆင္ေျပသြားပါတယ္။

စက္ခ်ဳပ္နဲ႔ ဓာတ္ႀကိဳးလည္း ေက်ေက်နပ္နပ္ နႈတ္ဆက္ၿပီး က်န္ခဲ့ၾကပါတယ္။

[Unicode]

သိပ်တော့ ထူးထူးခြာခြား မဟုတ်ပါဘူး။ ကြုံတဲ့အခါ ဖြစ်တတ်တဲ့ ဟာလေးတွေ သိထားရအောင် ရေးလိုက်ပါတယ်။ Container သင်္ဘောတစ်စီးမှာပါ။ 220V low insulation ဖြစ်တယ်လို့ ပြောပါတယ်။ စက်ချုပ်က ဂျာမန်၊ ဓာတ်ကြိုးက ဖိလစ်ပိုင်ကပါ။ သင်္ဘောက 6.6 kV Gen Set တွေနဲ့။ 220V Panel ကဆိုတော့ LV အခြမ်းကိုပဲ ကိုင်ရမှာမို့ တော်သေးတာပေါ့။
ဓာတ်ကြိုးလေးက 220V distribution panel မှာ စစ်ကြည့်ထားပြီး သက်ဆိုင်တဲ့ circuit တွေ ကို ရွေးထုတ်ထားပေးပြီးသား ဆိုတော့ ပိုလွယ်တာပေါ့။ ဆိုင်တဲ့ circuit ၄ ခုရှိပါတယ်။  အကုန်လုံး lighting တွေပါပဲ။ Bridge မှာရှိတဲ့ lighting panel က ထိန်းချုပ်ထားပါတယ်။ သူက စမ်းပြပါတယ်။ အဲဒီ ၄ ခု ပိတ်ထားရင် Insulation meter က 5 MOhm လောက် ရတယ်။ အဲဒါတွေ On လိုက်ရင် 0.15 MOhm လောက်ထိ ကျသွားပါတယ်။တစ်ခုစီ On ရင်တော့ 0.5 - 0.9 MOhm လောက် ပြပါတယ်။

1) ပထမဆုံး circuit ကတော့ Aft Deck Illumination Light ပါ။ Bridge ကထွက်ပြီး အပြင်ဘက် အောက်တစ်ထပ်ဆင်းလိုက်ရပါတယ်။ နောက်ဘက်ကို လှည့်ထိုးထားတဲ့ Sodium Vapor Lamp  မီးလုံးကြီးတွေပါ။ Port မှာ ၂ လုံး၊ Stbd မှာ ၂ လုံးပါ။ အဲဒီအချိန်မှာ ဓာတ်ကြိုးကို drawing ရှာခိုင်းထားပါတယ်။ စောင့်မနေချင်တာနဲ့ Stbd ဘက်က မီးလုံးတစ်လုံးရဲ့ အောက်ခြေ Ballast (Choke) ကို ဖြုတ်ကြည့်လိုက်တော့ Junction box ထဲမှာ Connector လေးနဲ့ ကြိုးတွေ ဆက်ထားတာ တွေ့ပါတယ်။ အဝင်ကြိုး ၂ ချောင်းကို ဖြုတ်လိုက်ပါတယ်။ ပြီးတော့ 250V သုံးပြီး Megger ရိုက်ကြည့်ပါတယ်။ ကြိုးဘက်မှာ 8 MOhm လောက်ရတယ်ဆိုတော့ clear ပေါ့။ မီးလုံးဘက်ကို ရိုက်ကြည့်တော့လည်း clear ပဲ။ နည်းနည်း စဉ်းစားစရာ ဖြစ်သွားတယ်။ ဒီခလုတ်တစ်ခုထဲနဲ့ မီးလုံး ၄ ခုကို ဖွင့်၊ ပိတ် လုပ်တယ်ဆိုတော့ မီးလုံးတွေကို parallel Looping လုပ်သွားရမယ် မဟုတ်လား။ ဒီတော့ အခုဖြုတ်တဲ့ မီးလုံးဘက်ကတော့ ဒီမီးလုံးအတွက်၊ ကြိုးဘက်က ကျန်တဲ့ မီးလုံး ၃ ခုကို ကိုယ်စားပြုမယ် မဟုတ်လား။ အခု ၂ ဘက်လုံးက clear ဆိုတော့ ဘာလဲ။
မကျေနပ်တာနဲ့ ဘေးနားက နောက် မီးလုံးကိုပါ ကြိုးဖြုတ်ပြီး တိုင်းကြည့်ပါတယ်။ အတူတူပဲ။ မီးလုံးဘက်ရော ကြိုးဘက်ပါ clear ဖြစ်နေပါတယ်။ ဒါနဲ့ Bridge ထဲက switch ရှိတဲ့ Panel ကို ဖွင့်ပြီး ကြိုးအသွားအလာတွေ ကြည့်ပါတယ်။ အဲဒီမှ သဘောပေါက်သွားတယ်။ ခလုတ်က မီးလုံးတွေကို တိုက်ရိုက် ဖွင့်ပိတ်မလုပ်ပါဘူး။ 4 pole Magnetic Contactor (MC) တစ်လုံးကို မောင်းပါတယ်။ MC အဝင်မှာ L, N နှစ်စုံကို Loop လုပ်ထားပေမဲ့ အထွက် နှစ်စုံကတော့ အချင်းချင်း မထိစပ်တော့ပါဘူး။ တစ်စုံက Stbd ဖြစ်ပြီး၊ တစ်စုံက Port ဖြစ်မယ်လို့ ယူဆပါတယ်။ ဒီတော့ Port နဲ့  Stbd က isolate ဖြစ်နေတဲ့အတွက် စောစောက Stbd မှာ အကုန် clear ဖြစ်နေတာပါ။ ဒါဆို Port ဘက်က ဖြစ်နိုင်ပါတယ်။ အခု MC အထွက်မှာ Megger တိုင်းကြည့်လိုက်တော့ ထင်တဲ့အတိုင်း တစ်စုံက clear ဖြစ်ပြီး နောက်တစ်စုံက 0.4 MOhm လောက်ပြပါတယ်။ ဒီတော့မှ Port ဘက်က မီးလုံးတစ်ခုကို connector အဝင်က ဖြုတ်တိုင်းလိုက်ပါတယ်။ ကံကောင်းစွာနဲ့ ကြိုးဘက်က clear ဖြစ်ပြီး မီးလုံးဘက်က low Insulation ဖြစ်နေပါတယ်။ ဒါဆို ကြိုးဘက် တစ်ဆက်ထဲ ရှိနေတဲ့ နောက်တစ်လုံး ဖြုတ်ကြည့်စရာ မလိုတော့ဘူးပေါ့။
ဒီတစ်ခါ မီးလုံးဘက်မှာက choke နဲ့ မီးလုံးကို series ဆက်ထားပါတယ်။ Choke ကြိုးတစ်စက မီးလုံးရဲ့ holder မှာဆက်ထားပါတယ်။ စိတ်က မီးလုံးဘက်က ရေဝင်တာလား။ တစ်ခုခု ညိတာလား ထသ်မိပါတယ်။ မီးလုံး အိမ်ကို ဖွင့်စစ်ကြည့်တော့ ကောင်းနေတယ်။ Choke ကိုပါ ကြိုးဖြုတ်တိုင်းကြည့်တော့လည်း လွတ်တယ်။ ဒါဆို ဘယ်က ဖြစ်တာလဲပေါ့။ Connector လေးက ၃ ခုတွဲရက်ပါ။ L, N နဲ့ E တစ်ခုစီပါ။ အခု L နဲ့ N ကို အဝင်ရော အထွက်ပါ ဖြုတ်ထားတဲ့အတွက် E တစ်ချောင်းပဲ body နဲ့ ဆက်ထားပါတယ်။ အဲဒီ connector ရဲ့ L ဆက်တဲ့ အပေါက်ကို ထောက်တိုင်းကြည့်တော့ E နဲ့ ညိနေတာတွေ့ရတယ်။ Screw က သံချေးတွေနဲ့ leakage ဖြစ်နေပါတယ်။ သန့်ရှင်းရေးလုပ်ကြည့်တော့လည်း သိပ်မထူးတာနဲ့ Connector အသစ် ရှာပြီး လဲထည့်လိုက်တော့ ကောင်းသွားပါတယ်။ ကြိုးအားလုံး ပြန်ဆက်ပြီး စမ်းတော့ အဆင်ပြေပါတယ်။ ဒီ Circuit တစ်ခုတော့ ပြေလည်သွားပြီပေါ့။

2) နောက်တစ်ခုကလည်း Sodium Vapor Illumination Light တွေပါပဲ။ Nav Deck ရှေ့ဖက်မှာ တန်းစီထားတဲ့ မီးလုံး ၆ လုံးတွဲပါ။ ဒီ circuit မှာလည်း ခလုတ်က MC ကို ဖွင့်၊၊ ပိတ် လုပ်ပေးပါတယ်။ MC က Port နဲ့ Stbd Loop နှစ်ခုကို ခွဲထုတ်ပေးပါတယ်။ Loop တစ်ခုမှာ မီးလုံး ၃ လုံးစီ ရှိပါတယ်။ တစ်ခြမ်းစီခွဲစစ်လိုက်ပြီး connector တစ်ခုမှာ Fault တွေ့လို့ လဲပေးလိုက်ပါတယ်။ တွေ့ဖူးထားတော့ ပိုလွယ်သွားတာပေါ့။

3) ဒီတစ်ခါတော့  Passage အပြင်ဘက်က မီးချောင်းတွေပါ။ တစ် point စီက ၂ ပေ မီးချောင်း ၂ ချောင်းတွဲ Set တွေပါ။ အပြင်မှာထားတော့ water tight housing တွေ သုံးထားပါတယ်။ ဒါပေမဲ့ တော်တော်များများက ရေစိမ့်ဝင်နေပါပြီ။ သူ့အားနည်းချက်က Clamp တွေသံချေးလိုက်ပြီး rubber seal က မလုံတော့တာပါ။
ဒီတစ်ခုမှာတော့ ဓာတ်ကြိုးလေး ယူလာပေးတဲ့ drawing နဲ့ဆိုတော့ လုပ်ရတာပိုလွယ်ပါတယ်။ ဒီ circuit မှာ Upper Deck ကနေ E-Deck အထိ point ၃၀ လောက် ပါတယ်။ ခလုတ်က MC ၃ လုံးကို ထိန်းထားတယ်။ MC တွေက Deck တစ်ခုကျော်ရဲ့ Cable Duct အခန်းထဲမှာရှိပါတယ်။ MC တစ်လုံးစီက Port & Stbd Loop ၂ခုစီ။ Loop တစ်ခုစီက ၂ ထပ်စာရှိတဲ့ point တွေ ထိန်းထားပါတယ်။ အပေါ်တက်လိုက် အောက်ဆင်းလိုက် သိပ်တော့ မချောင်လှဘူး။
ပထမဆုံး Cable Duct တွေထဲက MC အထွက်တွေမှာ Megger တိုင်းပါတယ်။ အဲဒီတော့ Loop ၂ခုက ပြဿနာတွေ့ပါတယ်။ D-E deck (Port) နဲ့ B-C deck (Stbd) က Loop တွေပါ။ ကျန်တဲ့ Loop တွေ စစ်စရာမလိုတော့ တော်တော် သက်သာသွားပါပြီ။ အဲဒီ loop နှစ်ခုမှာ အလယ်လောက်က ဖြတ်ပြီး တစ်ဘက်စီကို Megger တိုင်းကြည့်ပါတယ်။ earth leakage ဖြစ်တဲ့ ဘက်ကို နောက်တစ်ပွိုင့်ဖြုတ်ပြီး စမ်းပါတယ်။ ဒီလိုနဲ့ တစ်ခုပြီးတစ်ခု စမ်းကြည့်လိုက်တာ နောက်ဆုံးတော့ ဘယ်မှာမှ low Insulation မတွေ့ရပါဘူး။ နောက်ဆုံးအကုန်ပြန်တပ်ပြီး စမ်းကြည့်တော့ အားလုံးကောင်းနေပါတယ်။ ဖြစ်နိုင်ချေတစ်ခုက မိုးရွာတဲ့အချိန်မှာ မီးချောင်းအိမ်ထဲမှာ ရေစိမ့်ဝင်ပြီး ရေငွေ့ (moisture) တွေနဲ့ earth leakage ဖြစ်နေတာလို့ ယူဆပါတယ်။ အခု မီးချောင်း အိမ်တွေ ဖွင့်စစ်တော့ ရေငွေ့က ခြောက်သွားတဲ့အတွက် leakage ပျောက်သွားတာလို့ ထင်ပါတယ်။ အခြေအနေ ဆိုးနေတဲ့ မီးချောင်း အိမ်တွေကို လဲလိုက်ဖို့ မှာခဲ့ပါတယ်။

4) နောက်ဆုံး circuit ကလည်း မီးချောင်းတွေပါပဲ။ Aft area က ကုန်းပတ်ပေါ် တစ်လျောက် တန်းစီ ရှိနေတဲ့ ၂ ပေ ၂ ချောင်းတွဲ မီးချောင်းတွေပါ။ MC အထွက်မှာ loop တစ်ခုထဲ ရှိပါတယ်။ ဒါပေမဲ့ point ၂၀ ကျော်ရှိပါတယ်။ Binary search နည်းနဲ့ တစ်ဝက်စီ ပိုင်းပိုင်းပြီး ရှာလိုက်တော့ နောက်ဆုံးမှာ အဖြေတွေ့သွားပါတယ်။ ကြိုးထဲကဖြစ်နေတာပါ။ ကြိုးက shield ပါတယ်။ အဲဒီကြားထဲ ရေစိမ့်ဝင်ပြီး shield မှာ သံချေးတွေ ကိုက်နေပါတယ်။ ကံကောင်းစွာနဲ့ ဖြစ်တဲ့ ကြိုးအပိုင်းက ၃ မီတာ လောက်ပဲရှိပါတယ်။ အဲဒီကြိုးကို လဲပေးလိုက်တော့ အဆင်ပြေသွားပါတယ်။
စက်ချုပ်နဲ့ ဓာတ်ကြိုးလည်း ကျေကျေနပ်နပ် နှုတ်ဆက်ပြီး ကျန်ခဲ့ကြပါတယ်။